Tubarões Azuis subi dôs lugar na Ranking di FIFA e góssi ê stá na 72º lugar ku 1.339,59 pontu. Dentu di tabela di nôs kontinenti, Kabu Vêrdi ê 14º silesôn.
Kontribui pa ess subida di pusisôn di mês di Março kês três últimu vitória di nôs ikipa na djogus particular ki kuntisi na Março kontra silesôn di Guadalupe, nundi nu gánha pa 2-0, Liechtenstein, nundi nu gánha pa 6-0 e San Marino, nundi vitória foi di 2-0.
Na tabela di CPLP Kabu Vêrdi stá na 4º lugar. Lista ê dominadu pa Brasil, ki tambê góssi sa ta lidera Lista Mundial.
Brasil ta kêbra assim hegemonia di Bélgica ki staba na topu di tabela désdi Novembro di 2018. Brasil subi dipôs di si bom prestasôn na qualifikasôn sul-merkanu, ku 14 vitória e 3 empati.
Top 10 mundial ta fika kompletu ku Bélgica trás di Brasil e dipôs ta bem França, Argentina, Inglaterra, Itália, Spanha, Purtugal, México e Países Baixos.