Atleta internasiunal kabu-verdiana Adriana Almeida txiga final di Kampiunatu Afrikanu di Atletismu, na katiguria di 100 metru.
Na kumpitisôn afrikanu jovem sub-18 e sub 20, ki stá kuntisi manênti na Costa di Marfim, Adriana fika na 4º lugar, ku témpu di 12 minutu e 12 sugundu.
Prova konkistadu pa nigeriana Rosemery ki kompleta prova na 11 minutu e 23 sugundu.
Kampiunatu ta kuntisi ti Sábadu (20) e Kabu Vêrdi stá riprisentadu pa Adriana Almeida, na 100 metru, Carlos Morais, na 100 e 200 metru, Maline Barreto, na 200 e 400 metru e Bruno Rocha na 400 metru.