Modelu kabu-verdiana Izilda Moreira di 19 anu stá bai disfila na Vitoria Secret Fashion Show dêss anu.
Rializasôn di um di kês maior eventu di moda di mundu intéru stá bem kusta sérka di 12 milhôn di dóla – geralmenti kês tipu di show li ta kusta 1 milhôn.
Disfili ta gravadu dia 8 dêss mês na Nova York e show ta izibidu dia 2 di Dizémbru – show geralmenti t’aprisenta um mustura di mudélu, txomadu di anju, experienti e novatu.
Mundu di moda pa Izilda kumêsa ta fika klaru na si vida na 2012 quandu ê bai di féria pa Londres na kasa di ses tiu. Foi na épuka di Jogos Olínpikus e na um passeiu na um Séntru Kumersial pertu di kou nundi staba ta kuntisi kumpitisôn um ómi passa na êl e ê perguntal si êl era mudélu. Ê respondi ma não, mas ómi flal mê tinha putensial e ómi dal um kartôn di agênsia nundi kê ta trabadjaba. Dia siguinti ê bai kel agênsia, ki kontacta sês representante na Purtugal nundi ki Izilda ta vivêba na altura. Di lá pa li tem sidu só sucessu na passarella.
Na altura Izilda staba ku 14 anu. Ê fika ta fazi alguns trabadju na Purtugal ô mesmu tempu kê staba ta finda skóla e ku 19 anu si karrêra internasiunaliza. Klika na palavra fotus e txêka pôse di kriola – fotus!