Ónti artista kabu-verdianu Dino D’Santiago subi palku di Coliseu di Recreios na Lisboa pa resêbi Globo d’Oru di Midjôr Intérprete.
Si Músika Esquinas tambê staba nomiadu na katiguria di Midjõr Músika. Prémiu li foi konkistadu pa purtuguesa Ana Moura ku músika Andorinhas.
Ess fim di simana Dino D’Santiago tambê konkista prémiu di Midjor Musika Tradisiunal na gala di prémius Cabo Verde Música Awards 2022.
Ku karrêra di quasi 20 anu, kabu-verdianu kumêsa txôma atensôn na 2003 na konkursu di talentu di RTP Operasôn Triunfo. Na 2008 ê kumêsa si karrêra solu ku “Eu e os meus” e na 2013 ê lansa Eva. Inda ê tem na merkadu Mundu Nobu, Sotavento e Kriola.