Kabu-verdianu Airton Cozzolino konkista títulu di trikampiôn mundial di kitesurf.
Prova ta bai ti manhã, na Ceará – Brasil, mas kabu-verdianu dexa tudu klaru ónti. Si traz fika ôtu kabu-verdianu: Mitú Monteiro.
Ôtus riprisentanti nasiunal na prova ê Kelton Lopes (22º), Arsénio Dias (13º lugar) e Irati Fonseca ki stá kumpiti na femininu stá na 12º lugar. Prova femininu inda ka finda.
E kabu-verdianu ki stá riprisenta Spánha Matchú Lopes, kampiôn mundial di 2017, stá na 31º lugar.