Kabu-verdianu Edy Walter Tavares, posti di Real Madrid distinguidu komu midjôr defensor di Euroliga – épuka 2018/19. Votasôn fetu pa trenadôr di kumpitisôn oropeu.
Djugadôr di 27 anu tem sidu txeu impurtanti pa ikipa spanhol – na Euroliga ê kontribui kum média di 27 ressaltu pa kada djogu a sirbisu di Real.
Posti di 2 metru e 21 ê líder na katiguria di desarmi di lansamentu e kintu djugador ku midjôr média di ressaltu na kumpitisôn.
Edy Walter txiga Real Madrid na Novembro di 2017 e êl ê sugundu djugadôr afrikanu distingidu komu midjôr diféza di Euroliga. Pruméru foi gabonês Stephane Lasme, na 2013, ku camisola di Panathinaikus.
Djugadôr ki staba ta konkorri djuntu ku ôtus grandi basketbolista sima Kalinic (Fenerbahce), Vesely (Fenerbahce) e Dunston (Anadolu Efes) stá xinti orgulhosu di prémiu kê flá mê trabadja duru pê konsigui.