Skritôr e jornalista kabu-verdianu Joaquim Arena ê vensidôr di Prémiu Oceanos, na katiguria Prosa ku romance “Siríaco e Mister Charles”.
Na stória di konkursu keli ê pruméru bez ki um kabu-verdianu sta konkista prémiu – um di kês más prestigiadu di literatura purtuguês.
Joaquim Arena staba nomiadu djuntu ku músiku e skritôr kabu verdianu Mário Lúcio Sousa e ôtus skritor sima: Joana Bértholo, João Tordo e Lídia Jorge.
Romance “Siríaco e Mister Charles”, ki ê 3º di Arena, ta fala di um amizade improvável entri jovem Charles Darwin e Siríaco, um negro e ex-escravo ki ta sufri di vitiligo.