Artista kabu-verdianu Mário Lúcio ta atua oji na Fistival di Kultura Kabu-verdiana na Museu di Natureza e Arqueologia, na Tenerife, Canárias, num konsertu a solo.
Além di spetákulu musikal, Mário Lúcio, t’aprisenta um konfrênsia sobri tema “A urgência de novos diálogos culturais”.
Ness 10ª idisôn di eventu proposta ê fazi um abordagem di cultura kabu-verdiana, ku objetivu di mostra diferenti manifestasôn cultural e susial di kultura di nôs país.
Na palku di festival ki kumêsa na inisiu dess mês tambê dja atua ôtus kabu-verdianu sima: Elida Almeida, Carlos Lopes, Djam Neguim, Luciény Kaabral e Nuno Barreto.
Tambê ta ser aprisentadu otus eventu cultural di nos tera sima aprisentasôn di dukumentáriu, workshop sobri stória di país, dança e ofisina.