Tarrafal sta risebi oji (13), atividadi di kampanha di 70 anu di Diklarason Universal di Direitu Humanu.
Um di kes sison di kampanha ta kuntisi na liséu di lá e otu kumunitáriu na Skola di Familia di Lém , na Txon Bom.
Duranti atividadi, tudu partisipanti ta dsafiadu a fazi um riflexon sobri dsafiu di konsedju na kiston di direitu humanu.
Kampanha lansadu pa Kumison Nasiunal pa Direitu Humanu e Cidadania é pa prumovi kunhesimentu e dibati sobri stória , prinsipiu e artigu di Diklarason Universal di Direitu Humanu e Stimula pupulason di Kabu Verdu pa kumpri si prinsipiu.
Prujetu finansiadu pa Union Oropeia dja lebadu ti gossi pa Boa Vista, Praia, Ribeira Brava e Tarrafal di Saniklau, Son Domingos, Porto Novo, Paúl, Ribeira Grande di Santanton, Sonvisenti e Santa Cruz.