Kabu Verdi ta risebi di oji ti 25 des mês, na Cidade Velha, Kampionatu Afrikanu Junior di Xadrez.
Sugundu presidenti di Federason Kabu-verdiana di Xadrez, Francisco Carapinha, iventu ta konta ku doz katiguria, um turneiu open, abertu pa tudu partisipanti e otu xklusivamenti fimininu.
Sta konfirmadu na prova riprisentanti di Egipto, Guiné-Equatorial, Botswana, Uganda, Moçambique, Angola e Santomé e Príncipe.
Organizason sta spera risebi serka di 30 atleta, di ti 20 anu, inkluindu kampion junior em titlu di Egipto e otus mestri internasiunal.