kampiunatu di mundu di futiból ta ranka dia 20 dess mês na Katar y inda na sidadi ki stá na obra.
Tambê inda alguns strada sa ta ser pavimentadu ta falta sô 6 dia pa arranki di mundial y ku previsôn di dligasôn kumêsa ta txiga país já ess simana.
Djá tem más di 12 anu ki Fifa intrega mundial pa Katar – um disisôn txeu kontroversu y ki gera txeu kritika pamodi país fika di fazi reformas na ária di direitu humanu y quasi nada foi fêtu, nundi imigrantis inda ta kontinua ta trabadja nakêl país na kondisôn desumanu.
Tambê inda pessoas LGBTQ+ ê perseguidu, spankadu, torturadu y prézu, liberdadi d’imprensa ê restringidu, ka podi tem manifestasôn y sindikadu y direitus di mudjêr ê limitadu – ê ká ê konsidradu sidadôn responsável.
Tudu keli Katar tinha ki munda pa resêbi mundial, entretantu lei kontinua kel mê.