Konbersu Ku Mar Sta Na Prumeru Ep di Artista Santomense, desendenti di avo paternu kabu-verdianu Katia Semedo. Som sta na prumeru ep lansadu pa artista di 28 anu. Caminho De São Tomé ê nomi di prumeru trabadju diskográfiku d´artista, kompostu pa 8 faxa skrebedu pa el me. Sugundu Katia Semedo kada músika ta reflete si vivênsia, xpriensia i apredizagem na si kaminhada entri Son Tomé I Kabu Verdi. Joven artista també dja kustuma representa diáspora kabu-verdiana na gala internasional di pequenos cantores di 2005, na Praia i partisipa na konkursu di voz di diáspora na Purtugal I Luxemburgu, na anu di 2011 i 2013.
