Kabu-verdianu Airton Cozzolino, kampiôn di mundu di Kitesurf, ta riprisenta Itália, konkista 1º sirkuitu mundial dipôs di gánha na final kabu-verdianu Mitú Monteiro.
Na final, disputadu na Praia di Ponta Preta, na Santa Maria na Sal, dupla labanta bandêra di Kabu Vêrdi e ês grita: “Ê nós ki ta madá li”.
Airton fla inda ma keli ê um vitória pa Kabu Vêrdi, pa si família e pa si povu.
Mitu Monteiro, di 41 anu, ê konsidradu um lenda bibu di mudalidadi e ki ta kontinua ta mostra txeu mestria na ses disputa.
Podium fika kompletu ku brasiléru o Pedro Matos, na terseru lugar.