Kombustível stá mas karu na país – sô gás ki dixi 2,83% – góssi garrafa di 3 kilu stá pa 371 skudu, di 6 kilu 982 skudu, di 12 kilu, ki dona di casa ta usa más txeu, stá pa 1.629 skudu e di 55 kg, txeu bez uzadu na restoranti stá pa 7.168 skudu.
Gasolina, gasóliu, petróleo tudu omenta – gasolina omenta 1,7% – góssi ê stá pa 119 skudu e 70 centavu, um litru. Gasóliu omenta 2,0% – ê stá pa 97 skudu e 10 sentavu e petroliu subi pa 83 skudu e 50 centavu – ê subi 2,20%.
Di akordu ku agênsia di Regulasôn Ikunómiku omentu ê pamódi présu di combustível, ménus gás, subi tudu na merkadu internasiunal. Kês nóvu présu máximu di benda ta vigora di oji ti dia 28 dêss mês.