Músika “Bo Mister”, interpretadu pa Diva Barros, e “Stá Sabi” di Cee Jay Sena konkista Prémiu na International Portuguese Music Awards (IPMA) 2022.
Diva Barros gánha na katiguria di World Music e Cee Jay Sena na katiguria di Dance Performance.
Músika “Bo Mister” ta fazi parti di nóvu álbum di kantôra ki txôma “Um bem dum cavaquim”, lansadu anu passado. E “Stá Sabi” ê um single gravadu num parseria ku Mito Kaskás.
Tambê staba más otu artista kabu-verdianu nomiadu: Miroca Paris ku músika “Regresso” tambê na katiguria di World Music.
Désimu idisôn di prémiu kuntisi ess fim di simana na Merka.
Prémiu ta distaka konkista na industria musikal fêtu pa purtuguês ô artista internasiunal di ascendênsia purtuguês.
Diva Barros stevi ta riprisenta Kabu Vêrdi, Miroca ta riprisenta Purtugal e Cee Jay Sena foi riprisentanti di Merka.