Kabu Vêrdi konkista três midalhista di Kampiunatu di Mundu di Kulturismu e Fitness di Fedrasôn Internasiunal di Body-Building e Fitness’2022 nundi ê stevi riprisentadu pa sinku atleta.
Evelino Rodrigues gánha kampiôn di mundu di kulturismu e fitness na katiguria di master men’s physique 45-49 anu e men’s physique ti 173 cm.
Na si streia num kumpitisôn internasiunal, otu kabu-verdianu, Álvaro Andrade gánha vice-kampiôn mundial 2022.
Tambê atleta Valdir Gomes, más konshedu pa Omi di Pedra, ganha medalha di bronzi na katiguria klassic men’s physique ti 175 cm.
Kumitiva nasiunal, lideradu pa Jailton Rocha, stevi riprisentadu pa atletas Valdir Gomes e Evelino Rodrigues (di Santiago Sul), Admilson Gomes e Álvaro Andrade (di Són Visênti) e António Sousa (di Sal).