Aprisentason dum museu di Katchupa na Merkadu di Praia é um di kes nobidadi di 10º idison di Festival Badja ku Sol ki ta kuntisi dia 07 e 08 di Julhu, na Praia.
Inisiativa di Cavibel num parseria ku Kâmbra di Praia é pa mostra visitanti panela ki usadu pa fazi Cathupa ki entra na livru di record di Guiness e otus mumentus markanti di kel dia.
10º idison di Badja ku Sol ta konta ku atuason di Gil Semedo, Kino Cabral, Beto Dias. Big Z Patronato, Loony Johnson, Lura, Ferro Gaita, Ricky Boy, Grace Évora, Legemea, Dynamo, Constantino Cardoso e Blacka.