Cândido Costa di Sal e Sandra Teixeira, kabu-verdiana ki ta vivi na Purtugal, ê kês grandi vensidôr di tradisiunal kumpitisôn na prova di Meia Maratona – 21 kilómetru.
Na maskulinu kenha ki fika na 2º lugar foi Paulo Cardoso di São Vicente e si traz fika Valter dos Santos di Saniklau. Na femininu podiu fika kompletu ku atleta di Santantôn Edena Lima na 2º lugar e minininha di Són Visênti Aleida dos Santos, na 3º.
Na 10 kilómetru vensidôr, na maskulinu, foi Edmar dos Santos siguidu pa Natalino Furtado e Nelson Cardoso na 3º. Na femininu kês vensidôra foi: Liriel Diogo ki dêxa pa traz Beatriz Nunes e Ana Maria Furtado.
Na Paraolímpiku maskulinu vensidôr foi Carlos Araújo e si traz fika Anderson Delgado e José Estaline Vaz.
Lidiane Pereira konkista prova di Kadeiranti femininu. Tatiane Correia e Neuza Garcia kompleta podium na 2º e 3º lugar respetivamenti. Na maskulinu 1º lugar bai pa Flávio Gomes siguidu pa Nilson Pires e Euclides Monteiro.
Sandra Teixeira konkista prova di veteranus na femininu – si traz bem Crisolita Rodrigues e Eugénia Teixeira. Na maskulinu vensidôr foi João Lopes e podiu kompletadu pa Euclides Pina e José Oliveira.
Hélder Santos, di Liceu Cónego Jacinto, foi vensidôr di kurrida jovem maskulinu. Si traz fika Ricardo Freire, di Constantino Semedo e Natson Semedo di mésmu instituisôn. Na femininu 1º lugar konkistadu pa Cleisy Gomes, di Liceu Cónego Jacinto. Kenha ki kompleta pódium foi Kiara Ribeiro tambê di Cónego Jacinto e Mayra Gonçalves di Calheta.