Wilson Cabral, di Somada, e Edena Lima, di Santantôn, ê kês grandi vensidôr di principal prova di Kurrida di Liberdadi – 21 kilómetru.
Wilson Cabral ê atleta di momentu. Na ménus di um mês djê gánha três prova – kontandu ku Kurrida di São Silvestre na Praia e Kurrida Massiva di orsa Armado di Kabu Verdi.
Na Kurrida di Liberdadi – maskulinu – kênha ki fika na 2º lugar foi Ruben Sança, ki bem di Merka e si traz fika Euclides Varela, ki bem di França.
E na femininu 2º lugar bai pa atleta di Són Visênti Crisolita Rodrigues e na 3º fika minininha di Sal Elisabete Reis.
Na 10 kilómetru vensidôr na maskulinu foi Joaquim Fortes, di Brava, siguidu pa Moniz di Santa Cruz e Edmar Andrade, di Picos na 3º.
Na femininu kês vensidôr foi: Aleida Santos, di Són Visênti e Natalina Vitorino di Achada Lém.