Tradisiunal Kurrida di São Silvestre, na Praia, stá markadu pa kuntisi manhãn ku partida e meta na largu di Kebra Kanela.
Prova ta disputadu na distância di 5 e 10 kilometru, Velosidadi e Paralímpiku.
Êss anu maiuria di atleta ki ta partsipa ta vivi na Kabu Vêrdi – úniku riprisentanti di diáspora ê Euclides Varela ki ta txiga di França. Além di kumpiti Varela ofrêsi organizasôn 20 taça pa eventu.
Prova ê apadrinhadu pa atleta paralímpiku e atual kampiôn mundial di 60 metru barrêra na disportu adaptadu, Gracelino Barbosa.
Djá stá konfirmadu presença di atleta sima: Wilson Cabral, Edena Lima, Joaquim Fortes e Danilson Pereira.
E na Són Visênti, Kurrida di São Silvestri ta kuntisi sugunda-fêra, dia 31, ku partida na Laginha e meta na Praça Nova. Debi partsipa pelo menus 100 atleta, di diferenti rigiôn disportivu di país.