Dja konxedu kes sais finalista di prova di hipismu di Festa di Dia di Munisipiu e di Bandera na Son Filipe, Fogo.
Ki passa é: América Dreams e Vulkon ki fika na prumeru e sugundu lugar di prumeru fazi di kompitision, Rainha e Fradu Fra, prumeru e sugundu klassifikadu di 2º Fazi e Forsa Imigranti e Alma Djarfogo, kes doz primeru klassifikadu di 3º fazi di prova.
Pa kaminhu fika Miss e Bless, triseru klassifikadu di sugunda e triseru fazi.
Fazi final ta kuntisi manhan, undi vensidor ta risebi 500 kontu. Dja di 2º ti 6º klassifikadu ta risebi di 100 ti 250 kontu.