Edena Lima e Wilson Cabral foi kês grandi vensidôr di prova di 10 kilometru, femininu e maskulinu.
Na femininu kenha ki subi pódiu djuntu ku atleta di Santantôn ki ta vivi na Praia, Edena, foi Ana Furtado, di Somada e Adalgisa Varela, di Tarrafal di Santiagu.
E na maskulinu traz di Wilson Cabral fika António Cardoso e Gil Mendes, tudu di Santa Catarina.
Na katiguria di 5 kilometru Samuel da Veiga, di Somada gánha prova júnior maskulinu, Elisabeth Rocha di Calheta gánha na júnior feminino, Filomena Vieira di São Lourenço dos órgãos gánha na veteranos femininu e José Luís Semedo, di Somada foi vensidôr di veteranus maskulinu.
Na paralímpiku 10 kilómetru dipla di armum surdu-mudu José Estaline Rocha e Lemoel do Rosário fika na 1º e 2º lugar respetivamenti.