Kontadôr di stória e ativista kultural Adriano Reis stá pripara pa lansa livru “Jornada de um sampadjudo na ilha de Santiagu”, frutu di prujetu “Bebi na Fonti”, lansadu na 2018.
Keli, kê tersêru fazi di prujetu, tem kordenasôn tékniku di Gil Cabral Moreira, invistigadôr etno-cultural e kontador di stória e di grupu Tradison n’ Alma.
Objetivu d’ inisiativa ê fazi rekolha di kustumi e tradisôn oral, kontu tradisiunal e promôvi interkâmbiu kultural ku invistigadôr kabu-verdianu.
“Jornada de um sampadjudo na ilha de Santiagu”, ki ta bem ku prefácio di Gil Moreira e opiniôn di invistigadôr Tomé varela, ê um krónika skritu na pruméru pessoa sobri visôn di autor sobri um sampadjudu diante di um kultura ki ê di sêl más kê ka ta konshi.