Skritôra kabu-verdiana Natacha Magalhães t’aprisenta oji (24) na Sal si más novu livru ki txôma “Os Lobos não podem esperar”.
Aprisentasôn di trabadju di 142 página, ki ta marka streia di autora na livru pa adultu ta fazêdu pa skritor, Júlio Rendall.
Livru ta bem ku tema sentradu na mudjer e na sociedadi kabu verdiana sima: VBG, Abusu Sexual di Menor, Pedofilia, Repressão Social e Sexual, Depressão e Solidão, Insegurança/Criminalidadi e Afetu.
Natacha Magalhães, lisensiadu na Ciências di Kumunikasôn, ê konshedu pa sês publikasôn pa públiku infanto-juvinil.
Ê tem na merkadu livrus: “Mãe, conta-me uma história”, “Sete contos ao luar e outras estórias” e “A Viagem mais fantástica do mundo”.
Tambê ê partsipa na antulugia “Contar histórias com a avó ao colo” (CPLP), “Ser Mulher” (Purtugal), “Mulherio de Letras” (Purtugal) e “Mulher e Seus Destinos” (kabu Vêrdi).
Natcha djá kustuma riprisênta Kabu Vêrdi na Fistival di Literatura e narração e na fistival literáriu di Kabu Vêrdi.