Lúcio Matias de Sousa Mendes más Konshêdu pa Mário Lúcio fazi oji 57 ánu d´idádi.
Músiku kábu-verdianu dja gráva 5 discu a sólu: Mar & Luz di 2004, Ao vivo e aos outros di 2005, Badyo di 2007, Kreol di 2010 e Funanight di 2016. E djuntu ku grupu Simentera ê lansa Raiz di 1995, Barro e Voz di 1997, simentera di 1999 e Tr’aditional di 2002.
Mário Lúcio lança resentimenti um novu single – Hino à Gratidão – um kompusisôn fêtu pa agradêsi tudu kêl ki vida têl dadu e ki konta ku partsipasôn di coral di itália, brasil, merka e áfrika do sul.
Tambê êss simana kabu-verdianu ki tambê ê skritôr aprisenta na Purtugal livru “Manifesto a Crioulização”.
Na trabadju Mário Lúcio ta mostra ma além di lingua spressôn Kriolu ta uni um grandi quantidadi di kultura.
Além di skritôr e kantôr, Mário Lúcio tambê ê pintor, poeta e pulitiku. Si trabadju já foi rekunhesidu ku munti prémiu sima: Prémiu di Fundu Bibliográfiku di Língua Purtuguês pa si livru “Os trinta Dias do Homem mais pobre do mundo”; prémio Pen Club Portugal pa midjôr obra di ficção na língua português e na kabu Vêrdi ê kondekoradu ku ordem di vulcão e ku Midalha di Mérito di 1º grau pa sirbisu cultural relevante.