Músiku Mário Lúcio ta fazi oji abertura di Fistival Internasiunal di Arti di Língua Purtuguês – Festlip – kum repertóriu ki ta reúni músikas di si auturia.
Músiku kabu-verdianu ê omenagiadu dess 13º idisôn di Fistival, ki ta kuntisi di oji ti Dumingu na Rio di Janéru.
Idisôn Online ta reuni artista di 9 país lusófunu e ê ta konta ku atrasôn musikal, tiatru, dibati e mostra gurmet, além di mostra infantil e exibisôn di filmi.
Na Fistival tambê ta exibidu peça di tiatru “Os dias de Birgitt”, di kompanhia di tiatru, di Són Visênti, Sikinada. Aprisentasôn stá markadu pa dumingu li (28), a partir di 8 e meia di nôti, em diretu na kanal Online di Festlip – Fistival Internasiunal di Arti na Língua Purtuguês.
Dipôs di exibisôn di peça na Festlip, trabadju ta streia na mês di Abril, na Praia.