Oji artista kabu-verdianu Mário Lúcio t’aprisênta konsértu – Afrika uma viagem musikal, na Rio di Janéru – Brasil.
Show ê na um di kês palku di Jazz/World Music mas konseituadu – Blue Note Rio. Kabu-verdianu ta konta ku partsipasôn spisial di saxofonista brasiléru Leo Gandelman.
Na spetakulu kompusitôr e instrumentista ta bai mostra modi ki músika africana viaja pa mundu intéru ti txiga na Jazz e sonoridade actual.
Mésmu konsértu dipôs ta lebadu pa sidadi brasiléru di São Paulo, nundi si kombidadu ê rapper Emicida, ki djá kustuma bem Kabu Vêrdi – ê partsipa na Atlantic Music Expo (AME), ê fazi alguns piskiza musikal e tambê ê trabadja ku batukadêra di Santiago.