Ta ranka oji na Praia um formasôn, di sinku dia, na ária di Idukasôn Finansêru.
Kursu ê pa músiku, autor e artista membru di Sociedade Cabo-verdiana di Músika, kê kênha ki stá realiza formasôn.
Um di kês principal objetivu ê midjôra gistôn di pruséssu finansêru di trabadjadôr independenti. Tudu pa pôdi djuda atravessa êss fazi difisil ki pandemia trazi, prinsipalmenti pa klássi di artistas.
Pa formandus ta mostradu ki instrumentu ô ferramenta bankus ta dispunibiliza, ki pussibilidadi ês tem na ária di Sugurança Susial, ta mostra vantagi di sta inskritu na Institutu Nasiunal di Previdênsia Susial (INPS).
Inisiativa ê organizadu num parceria ku Organizasôn Internasiunal di Trabadju (OIT) e Prugrama di Nações Unidas pa Dzinvolvimentu (PNUD), ku finansiamentu di Coopreasôn Luxemburguês.