Fistival Internasiunal di Tiatru di Mindelo, Mindelact 2019, ki ta ranka oji, ta silebra Bodas d’ Prata.Êss 25 anu di promosôn di tiatru ta ser markadu pa munti streia absolutu, nasiunal e internasiunal.
Entri kês stréia stá peça “Manuel d’ Novas” di grupu Raiz di Polon e “Os Vivos, o Morto e o Peixe Frito”, di Grupu Juventude em Marcha. Peça li ê insenadu a partir di um texto di skritôr angulanu Ondjaki.
Inda stá na grupu di streia “O notário”, di kabu-verdianu Yuran Henrique, “Antecâmara”, di grupu kabu-verdianu um+um teatro,ku sédi na Purtugal e “Mascaradas”, di francesa Betty Tchomanga.
Nêss idisôn kumimorativu stá previstu partsipasôn di 50 kompanhia di tiatru di 13 país: Kabu Verdi, Brasil, Purtugal, Angola, Guiné-Bissau, Alemanha, França, Spanha, Itália, Dinamarca, República Checa e Japão.
Êss anu stá previstu um record absolutu di spetákulu : stá previstu 72 spetákulu, ku partsipasôn di 150 artista, inkluindu xtensôn di Praia.
25 anu ta incentiva “ikunumia d’afetu” na Mindelo
Um di kês léma di Fistival Internasiunal di Tiatru di Mindelo, Mindelact ê Ikunumia di Afetu já ki maioria di companhia ki ta bem partsipa ta paga sês passagem e inda ês ta fazi spetákulu di graça.
Keli ta mostra, di akordu ku prisidênti di Associasôn Mindelact, João Branco, ma ganhus ki Kabu Vêrdi tem ku eventu ê mutu más txeu ki invistimentu ki país ta fazi pa Fistival.
Fistival stá markadu pa kuntisi di 6 ti dia 16 di Nuvembru e abertura ê ku spetákulu “Achadiço” di grupu di tiatru nasiunal di São João di Purtugal.
Tambê stá programadu munti streia absolutu. Entri kês stréia stá peça “Manuel d’ Novas” di grupu Raiz di Polon e “Os Vivos, o Morto e o Peixe Frito”, di Grupu Juventude em Marcha. Peça li ê insenadu a partir di um texto di skritôr angulanu Ondjaki.
Inda stá na grupu di streia “O notário”, di kabu-verdianu Yuran Henrique, “Antecâmara”, di grupu kabu-verdianu um+um teatro,ku sédi na Purtugal e “Mascaradas”, di francesa Betty Tchomanga.
Alcoolismu ê tema abordadu
Duranti 11 dia di spetákulu Mindelact 2019 t’aprisenta um leki variadu di tema, um dêz ê alcoolismo, um prubléma ki ta afêta txeu sociedade kabu-verdiana.
“Fistival Off”, um rúbrika di Fistival Internasiunal di Tiatru di Mindelo, Mindelact, êss anu tem komu léma Alcoolismu. Um tema propostu na âmbito di parceria ku presidência di república num kolaborasôn ku kampanha “Menos Álcool, mais vida”.
Di akordu ku prisidênti d’ Mindelact keli ê um forma di kontribui pa passa mensagem di nova lei sobri konsumu di álcool, ki kumêsa vigora risentimenti.
Tudu grupu ki stá bai apresenta spetákulu na Fistival Off tem ko aborda tema.
Na rúbrika “Teatrolândia” ta izibidu um ciklu di kontadôr di stória, spetákulu pa mininu, performance e oficina. Essa nu stá previstu 10 ofisina pa mininu e pa família intéru.
Tambê tem “Teatro na Praça” ki ta leba alguns peça pa diversus praça di sidadi e kumunidadi sima Salamansa, São Pedro e Norte de Baía.
Ainta tem extensão na Praia ku cerca di 10 spetákulu.