Mudelu kabu-verdiana Alécia Morais stá finda anu na kapa di idisôn di dizembru di Gotam Mag, um rivista merkanu di arti,kultura, kumida e moda.
Kapa e editorial, protagonizadu pa kabu-verdiana ta silêbra “Art Basel”, um fêra internasiunal di arti ki ta kuntisi tudu anu na Maiami.
Mudelu, agensiadu pa Da Banda Model Management, ta vivi na Nova Iorque, nundi ê ta fazi maiuria di ses trabadju.
Kabu-verdiana diskubridu na Ellite Model Look djá kustuma disfila pa grandi marka dima Chanel, Victoria Secret, Kenzo, Brandon Maxwell e e Cushnie Et Ochs.
Tambê kriola djá fazi kampanha pa Shiseido, Exuviance, Mizani, H&M Beauty, Aisling Xampus e We Are Edition.