Ta ranka oji vigésimu pruméru idisôn di Kopa di Mundu ku partsipasôn di 32 silesôn di mundu intéru.
Kabu Vêrdi ka konsigui txiga mundial más ta stá lá 4 djugadôr kabu-verdianu.
Kampiôn oropeu em tírulu, Purtugal, stá lêba pa mundial três kabu-verdianu ki stá streia na mundial: Gelson Martins, Manuel Fernandes e Ricardo Pereira.
E suiça stá lêba kabu-verdianu Gelson Fernandes – keli ê 3º mundial ki médiu difensivu stá bai disputa: Na 2010 ê bai Afrika di Sul e na 2014 ê disputa prova na Brasil. Gelson ki ta djuga na Alemanha tem nasiunalidadi Suiço e kabu-verdianu.
Silesôn di Purtugal stá na Grupu B djuntu ku Irão, Marrocos e Spánha e si pruméru djogu ê manhãn kontra Spanha.
E Suiça stá na Grupu E djuntu ku Brasil, Costa Rica e Sérvia – si pruméru djogu ê dumingu kontra Brasil.
E oji na abertura di kampiunatu silesôn anfitriã – Rússia – ta djuga ku Arábia Saudita.
Fotu: Bom di Bola