Susiedadi Kabu-verdiana di Musika-SCM sta pripara konfrensia sobri musika di Kabu Verdi.
Inkontru agendadu pa dia 1 di Otubru na Sembleia Nasiunal é pa silebra Dia Internasiunal di Musika.
Morna – Dimenson Susial é um di kes tema di dibati ki ta ser lideradu pa prussora e investigadora Isabel Lobo. Tema skodejdu num mumentu ki generu di muiska kabu-verdianu sta kandidata pa Patrimóniu Kultural Imaterial di Humanidadi na UNESCO.
Kontribuison di Diáspora pa Afirmason di Musika Kabu-verdiana e Defesa di Direitu di Autor e Conexu na País é kes otu tema di inkontru ki ta konta inda ku partisipason di sociológu e investigador na área di músika, César Monteiro e músiku e kompusitor Daniel Spencer.