Lucas d’Santiago ê assim ki artista kabu-verdianu Dino d’ Santiago aprisênta si pruméru fidju ki stá na kaminhu.
Músiku di 37 ánu d’idadi e si namorada, Rafaela Sousa, partilha na sês redi susial ma ês sa ta pripara chegada di ses 1º fidju, nundi ês partilha tambê ikografia di bebê, ku legenda “Não é Sonho Nenhum”.
Na ladu prufissiunal kabu-verdianu tambê tem tidu txeu êxitu e atualmenti ê stá nomiadu pa Prémiu di MTV EMA 2020 na katiguria Best Portuguese Act.
Na mésmu katiguria stá ôtu quatu artista: Bispo, Diogo Piçarra, Bárbara Bandeira e Fernando Daniel. Votasôn stá abertu na site di MTV Purtugal – www.mtv.pt.
Dino d’ Santiago sa ta konkóri ku músika “Kriola” ki ta fazi parti di si más nóvu disku ku mésmu nómi. Na trabadju artista ta fazi um omenagem a nação kriola.