Serka di 200 atleta di tudu rigiôn disportivu di país ta partsipa oji na 13º idisôn di Kurrida di Liberdadi.
Prova otorizadu pa autoridadi sanitáriu e organizadôr garanti salvaguarda di tudu midida di sugurança.
Êss anu Fedrasôn Kabu-verdiana di Atletismu tem programadu um total di 800 kontu em prémiu monetáriu pa désimu tersêru idisôn di kurrida di liberdadi.
Organizasôn stá premia kês 5 pruméru klassifikadu, maskulinu e femininu, di prova di 10 kilómetru ku prémiu di 50, 40, 30, 20 e 10 kontu.
Pa prova di 5 kilometru prémiu ê di: 30, 20, 15, 10 e 5 mil skudu, mesmu quantia estipuladu pa prova di veteranu di 7 kilometru.
Pa kurrida di velosidadi di 100 metru prémiu ê di 20, 15 e 10 kontu mesmu valor pa prova di kadeiranti.