Académika di Praia, Foguetões di Paul, Palmeira di Sal, vensidôr di kês 3 grupu di 1º fazi e Mindelensi, midjor 2º klassifikadu ê kês 4 ikipa apuradu pa meias-finais di kampiunatu nasiunal di futiból.
Sai êss palmanhãn, na sédi di Fedrasôn Kabu-verdiana di Futiból, sorteiu di meias-finais ki ta disputadu na dôs mon (dia 19 e 26 dêss mês).
Foguetões ta infrenta Akadémika di Praia e Palmeira ta djuga ku Mindelense, na pruméru djogu e na kelotu Palmeira ta resêbi Mindelensi e Akadémika di Praia ta resêbi Foguetões.
Êss ánu pa pruméru bez kampiunatu nasiunal ta ser disputadu num úniku djogu markadu pa dia 2 di Junho na Estádiu Munisipal di Porto Novo, na Santantôn.
Kês 4 ikipa apuradu pa meias-finais ta resêbi 50 kontu e finalista ta gánha 100 kontu más troféu.