Siklista internasional, Nélio Cruz, di Son Visenti, sagra Kampion Nasional di Siklismu na prova di Fundu.
Cruz kompleta 100 kilometru na perkursu Rubera Brava/Junkalinhu/Tarrafal na 3 hora, 53 sugundu i 37 milésimu. Na sugundu i triseru lugar fika Ruben Júnior di Santanton i Léo Cosme di Son Niklou.
Es vitoria é un dobradinha pa siklista di Son Visenti. Nélio Cruz dja garantiba prumeru lugar na prova di kontrarrelógiu na últimu sexta-fera.