Oji Praia FM fazi 20 anu. Foi dia 15 de Maio di 1999, num sexta-fêra, pa 4 óra tardi ki bai pa ar pruméru imissôn di Praia FM 94.1.
Pruméru rádiu na país ki kumêsa fazi imissôn na kriôlu tem komu léma “Nôs povu – nôs musika – nôs kultura – nôs língua – na prumeru lugar”.
Tambê ê ness sentidu kê traçadu linha editorial di rádiu ki ta pretendi valoriza tudu kêl kê nasiunal. Más di 90 pur sentu di prugramasôn di rádiu ê fêtu na língua kabu-verdiana.
Pa silêbra si vigésimu anuversáriu Praia FM ta realiza oji um kombersu abertu na Palásiu Kultura Ildo Lobo, ku tema “Promosôn Musikal na dia di oji”.
Dibati ta ser moderadu pa Dj Produtôra Kelga Monteiro e ê ta ser animadu pa promotor e manager Gugas Veiga, Péricles di Rapaz 100 Juiz e músiku Ga da Lomba.
Paralelamenti a eventu Rádiu tem abertu na spasu um xpusisôn ki ta mostra perkursu na Stasôn.