Músika “Nôs Morna”, interpretadu em duetu pa kabu-verdianus Cremilda Medina e Tito Paris stá nomiadu na sétimu idisôn di International Portuguese Music Awards (IPMA).
Músika kê um kompusisôn di Manuel d’ Novas, iditadu na 2018, stá nomiadu na katiguria di Vídiu di Músika d’anu e na World Music.
Na si página num redi susial Cremilda skrebi ma pa êl ê um honra stá nomiadu pa prémius djuntu ku grandi Tito Paris. Ê skrêbi inda ma ê ka ta kanta pa prémius. Ê ta kanta pa amor a morna e amor a si tradisôn, mas ê rei di sabi ser rekunhesidu pa kenha ki ta kumpanha si caminhada.
Keli ê 3º bez ki Cremilda stá nomiadu pa prémius: Na 2017 ê stêvi nomiadu na katiguria di Vídiu di Músika d’anu, ku “Raio de Sol”, e na 2018 na katiguria di World Music Performance ku tema “Divôrce um ca ta Sená”.
Gala di intrega di prémiu, pa artista internasiunal di ascendência português, ta kuntisi dia 18 di Maio na Zeiterion Theatre na New Bedford, na Merka.