Oji ê Dia Mundial di Liberdadi d’ Imprensa – data ta silebradu kum mesa redondu sobri Novas Tecnologias d’Informasôn e Kumunikasôn, nutisia instantaniu e falsu: Disafiu pa klassi jornalistiku.
Eventu organizada pa Uniôn Oropeu num parseria ku Assosiasôn di Jornalista di Kabu Vêrdi – AJOC ta kontisi na Séntru Kultural di Sidadi velha – objetivu ê diskuti temas di interessi pa sector di Kumunikasôn Susial.
Situasôn na Áfrika Osidental
Kabu Vêrdi konsidradu um exemplu pamódi êl ê úniku país ki ka stá na lista di violasôn di liberdade di spressôn e di imprensa na África Osidental.
Informasôn stá na dukumentu Kontextu di Liberdadi d’ Imprensa na sub-rigiôn afrikanu, di Janêru di 2017 ti Abril de 2018, foi aprisentadu, na Gana, durante konfrênsia regiunal sobri liberdade d’ Imprensa e dsinvolvimentu di media.
Nigéria stá lidera lista di país ku ménus liberdadu d’imprensa ku 45 ocorrênsia di violasôn di liberdade d’ imprensa, ku registu di quatu mortu, num quadro geral di 160 vítima di munti forma di violasôn na país di sub-regiôn, entri ês 138 jornalista e 22 órgão di kumunikasôn susial.