Duranti êss mês présu di combustível stá más baratu, di akordu ku Agência Reguladora Multissectorial di Economia (ARME).
Litru di gasolina stá bendedu pa 108 skudu e 50 centavu, Gasóliu normal 95 skudu e 80 centavu, gasóliu pa iletrisidadi stá pa 80 skudu e 60 centavu e gasóliu marinha stá pa 68 skudu e 10 sentavu.
Duranti êss mês petróliu ta bendedu pa 82 skudu e 40 centavu o litru, fuelóleo 380 stá kusta 56 skudu e 90 centavu e fuelóleo 180 ta ser bendedu pa 62 skudu e 30 sentavu.
Garrafa di gaz di 3 kilu stá kusta 337 skudu, di 6 kilu stá pa 710 skudu, garrafa di 12 kilu e meiu, ki dona di kaza ta uza, geralmente, stá pa mil 480 skudu e kês di 55 kilu, geralmente uzadu na restoranti stá bendedu pa 6 mil 511 skudu.
Di akordu ku ARME présu dixi pamodi na merkadu internasiunal tendência di baixa manti durante mês di Dizembru em relasôn a mês di Novembru. Ôtu mutivu ê kontextu macro-ikunómiku mundial pessimista baziadu na previsôn di diminuisôn di nível di kresimentu ikunómiku. Kês présu li ta bali ti dia 31 dêss mês.