Laboratórius Inpharma stá bem invisti seis milhôn d’euro na konstrusôn di um nóvu fábrika na Kabu Vêrdi – Konstrusôn stá bai fazêdu num ária di 3 mil e 700 metru quadradu na zona industrial di Tira Chapéu e ê dêbi fika prontu dentu di 14 a 18 mês.
Ku novu invistimentu ideia ê omenta produsôn pa pusta na internacionalizasôn pa merkadu di Kumunidadi di País di Língua Purtuguês, prinsipalmenti Guiné e São Tomé.
Atualmenti Inpharma ta produzi e disponibiliza na merkadu sérka di 85 ramêdi e ku nóvu unidade objetivu ê omenta produsôn di úniku fábrika di ramêdi di país e kria novus postu di trabadju.