“Sombras” ê nómi di más novu livru di poema di poeta e ensaísta kabu-verdianu José Luís Hopffer Almada ki ta lansadu oji na Purtugal.
Ku chancela di Rosa de Porcelana Editora e US Edições, obra ta ser aprisentadu pa Ana Mafalda Leite e Filinto Elísio.
Autôr ki nánsi na Santa Katrina di Santiago dia 9 di Dezembru di 1960 ê lisensiadu na direitu.
José Luís Hopffer Almada ê assosiadu a munti iniciativa cultural na Kabu Vêrdi, ê foi (co)fundadôr e prinsipal dinamizador di Muvimentu Pró-kultura.
Djê publika munti studu e ensaiu, livru di poesia, texto di fikson e prosa literáriu.