Oji prujetu Abrasu Muzikal t’omenagia músiku e tokadôr di gaita Bitori Nha Bibinha, ki ta kompleta 83 ánu d’idadi.
Membros di prujetu ta reuni um grupu di amigus pa silebra data di aniversáriu di grandi artista kabu-verdianu.
Kês kombidadu pa kanta parabéns ê: Fidjos Codé di Dona, Fidjus Belo Freire, João Cerilo Pó di Terra, Eduíno Ferro Gaita, Victor e Fidju Bitori Nha Bibinha.
Abrasu Muzikal ê um prujetu kriadu pa músikus e kantôr kabu-verdianu, na país e na diáspora pa apoia colegas ki stá passa pa difikuldadi finansêru ku kanselamentu di eventos cultural, pamodi pandemia.
Más aniversariante di 10 di março
Ôtu músicu kábu-verdianu ki tambê ta fazi ánu oji ê Djoy Califórnia.
Kantor ki si nómi d´ingrêja ê Fernando Jorge Neves Bettencourt Pinto sta kumimôra 58 ánu d´idádi.
E si stá bibu músicu Félix Lopes Monteiro, ki foi más konchêdu pa Tchota Suari, ta fazêba oji 88 ánu d´idádi.
Artista ki foi natural di Txôn Bom di Mangui na Tarrafal di Santiagu kumêsa tôka ku 7 ánu e ê tem 6 discu gravádu na Holánda.