Ess 4ª fêra, 31 di Julho, ta silebradu Dia Internasiunal di Mudjêr Afrikana.
Data instituidu djá tem más di 40 anu pa reflecti papel di mudjêr na si sociedadi.
Munti atividadi ta realizadu na Praia e na tudu país pa silêbra data.
Um nôti cultural ku atuasôn di munti artista nasiunal, sima Solange Cesarovna, Zeca Nha Renalda, Manuel di Candinho, Hilário Silva, Kátia e Mindela, stá programadu pa oji na Sembleia Nasiunal pa silêbra data.
Kêli ê um iniciativa di Morabi – Assosiasôn Kabu-verdiana di Auto-promosôn di Mudjêr, nu parceria ku R7 Eventu.
Parti di resêita arrekadadu ku show ê pa djuda benefisiária di Prugrama di Saúdi Sexual e Reprodutivu.
Tambê Muvimentu Federalista Pan Afrikanu ta fitxa mês, kês didika pa Mudjêr Afrikana, ta rializa munti atividadi, ku aprisentasôn di marca Preta by Nuccy.
Mostra na Palásiu Kultura, siguidu di mumentu cultural, tem komu propósitu resgata estética africana.