Silesôn Nasiunal di Futiból ta infrênta silesôn di Angola ess kinta-fêra pa 6 óra tardi.
Djogu na Stadiu Nasiunal ê di grupu B di qualifikasôn pa Mundial di Futiból di FIFA 2026. E dia 21 dess mês, Tubarões Azuis ta djuga ku Eswatini, na África do Sul.
Di akordu ku regulamentu 1º klassifikadu di grupu ta qualifika pa mundial e kês 4 midjor sugundu klassifikadu di kês 9 grupu ta disputa play off pa txiga mundial.
Trenadôr Bubista ta promêti um ikipa ku garra e ousadia. Ê flá ma grupu sta unidu e fokadu na objetivu di gánha.
Bubista tambê ta pidi apoiu di tudu kabu-verdianu pa Tubarões Azuis pôdi xinti akolhidu pa dá ses midjor.
Pa djogu di oji entri Tubarões Azuis e angola, Solatlântico kria djuntu ku Fedrasôn Nasiunal di Futibol um linha d’otokaru ki ta bai diretu pa Stadiu Nasiunal. Ê possivel panha karru na paragi di Stádiu da Várzia pa 43 skudu.