Operason na rede interbankária kabu-verdiana txiga otubru ku 109 milhon d´euro, ku kela fazi 20 mês di subida konsekutiva, ta manti rukuperason di mínimu stóriku dipôs di pandemia.
D´akordu ku dadu di relatóriu statístiku di Banku di Kabu Verdi sobri sistema di pagamentu na país, redi interbankária kabo-verdiana, Vinti4 y ki ta involvi kaixa autómatika y terminal di pagamentu otomátiku, registra 3 milhon 935 mil y 136 operason na otubru di 2022 movimenta mas di 12 milhon di skudu.
Relatóriu di BCV ta mostra ki operason fetu ku karton internasional kontinua ku taxa di variason homóloga positiva na otubru. Kes ki ka ta vivi na país fazi na mês passadu, ku karton internasional, 156 mil 811 operason di pagamentu.