Maiuria di djugadôr di silesionadôr nasiunal di futiból, ki stá bem djuga kontra Ruanda, dia 12 dess mês, ta kumêsa txiga Kabu Verdi êss sugunda fêra.
Bubista djá anunsia si lista di konvokadus pa dupla jornada di qualifikasôn pa CAN 2021, kontra Ruanda.
Na lista distaki ta bai pa sinku djugadôr ki ka stevi na kês djogu amigável ki kuntisi na Outubru.
Kês djugadôr ê: Avansadu: Zé Luis, Ricardo Gomes e Vagner Dias; difésa Roberto Lopes e médiu Jamiro Monteiro.
Ivan Cruz, guarda-redis ki ta djuga na Paredes di Purtugal txômadu pa substitui guarda-rêdis Elber Évora, ki ka ta podi bem pamodi alguns prublema pessoal. Ivan Cruz djá stêvi n’alguns konvokatória anterior.
Pamodi pandemia, djogu ta kuntisi ku porta fitxadu, sem adeptu. Kabu Verdi e Ruanda ta torna inkontra dia 17 dess mês na kaza di Ruanda.