Ikipa maskulinu di Disportivu di Praia ta infrênta oji na pavilhão disportivu Vavá Duarte Zamalek di Egipto, na djogu d’abertura di Liga di Kampiôn Afrikanu di Klubi na Andebol.
Dipôs ikipa maskulinu di Atlétiku di Mindelo ta infrênta Reds Stars, di Costa Marfim. E ikipa femininu di Atlétiku di Mindelo, ta streia na kumpitisôn próximu 4ª fêra.
41º kampiunatu afrikanu di klubi kampiôn d’andebol ki ta bai ti dia 14 dêss mês, na Praia stá orçadu na 40 mil kontu.
Ikipa maskulinu di Desportivu di Praia stá na Grupu B djuntu ku Zamalek (Egipto), Widad Samara (Marrocos), Fap (Camarões) e Etoile (RD Congo).
Atlétiku di Mindelo stá na Grupu A djuntu ku Sporting Clube (Egipto), Interclube (Angola), JSK (RD Congo) e Red Star (Costa di Marfim).
E Na femininu, Atlético di Mindelo ta infrênta ikipas di Petro di Atlético (Angola), ABO Sport (RD Congo) e Evakuca (Congo), na Grupo B.
E Grupo A ê kompostu pa Primeiro di Agosto (Angola), DGSP (República di Congo), HC Hertage (RD Congo), FAP (Camarões) e Bandama (Costa di Marfim).