Organizasôn di Africa Youth Cup ta resêbi manhãn, dia 19, atletas ki stá bem partsipa na kumpitisôn

Organizasôn di Africa Youth Cup ta resêbi oji ikipa e atletas, di África, Oropa e América, ki stá bem partsipa na kumpitisôn internasiunal di futiból sub-16. Entri kês partsipanti distaki ê ikipa Sub-16 di benfica di Purtugal.

Entri kês oitu ikipa internasiunal ki stá partsipa stá dôs ikipa mistu di Barlaventu e Sotaventu ki stá riprisenta Kabu Vêrdi. Jovens di nôs ilha ê komandadu pa Jorge Conceição e Emílio Rocha.

Kumpitisôn internasiunal di futiból juvenil, organizadu pa Confederasôn Afrikanu di Futibol e pa FIFA ta bai ti dia 27 dêss mês.

Djogus ta disputadu na Stádiu Municipal di São Domingos e na kampu di Tira-Chapéu, Pensamento, Achada Grande Frente e São Filipe ku objetivu di promovi interkâmbiu entri kumunidadi e atletas.

Tambê pa partsipa na Africa Youth Cup stá na país alguns nomi konshedu di arbitragem internasiunal, kredênsiadu pa FIFA.

Kês árbitru ki ta stá li ê inglês Mathew Day, merkanu Gabriel Dilling, iatalianu Daniel Ouric, Tristey Bassulne e purtuguês Ricardo Rodrigues e Lúcio Gonçalves.

Na país ês ta realiza klinika e formasôn di reciclagem pa árbitru kabu-verdianu.

Ikipas stá divididu na dôs grupu. Grupu A: CV- Sotavento, Benfica, Powas Academy e Volcan Júnior e di Grupu B ta fazi parti: CV-Barlavento, Bayelsa starlet, Deportivo FC e Daraja.