Kabu Vêrdi stá na situasôn di Contingência ti dia 20 di janéru di 2022, ku pussibilidadi di alarga data, si for necessáriu. A partir di oji ê obrigatóriu, ôtu bez, usu di máscara na via e spásu públiku.
Midida tomadu pa Guvérnu pamodi kazu pusitivu di Covid-19 tem stadu ta omenta txeu, na últimus dia. Na última simana registadu más di 500 kazu num taxa di insidênsia di 110 kazu pa 100 mil habitante.
Pamodi kêl deklarasôn li festas di fim d’anu na via pública stá proibidu e ê obrigatóriu aprisênta testi di covid na festa privadu. Tudu alguém tem ki fazi testi, mesmu kenha ki djá vasinadu. Tambê tem ki ta aprisentadu sertifikadu di vasinasôn ku 2º dosi tomadu ô sertifikadu Covid di rekuperasôn.
Silebrasôn na via pública ki ka foi proibidu ê silebrasôn religiôsu. Convíviu particular dêbi kuntisi entri famílias ki ta konvivi djuntu, ti um máximo di 20 alguém.
Duranti tudu periudu di Situasôn di Contingênsia stá proibidu Fistival e Festa ku más di 500 pessoa.
A partir di dia 3 di Janéru restoranti e bar pôdi funsiona ti 23h59. Lounge bar tambê dêbi funsiona ti mesmu horáriu na dia di simana e ti 2 óra di madrugada sábadu e feriadu. Diskoteka dêbi fika atertu ti 3 óra di madrugada. Na tudu kês spásu li ô obrigatóriu apresenta testi negativu e sertifikadu.